上個禮拜嘅webinar都有講到英國點揀學校，喺香港我哋會以 Band 1、Band 2 去為學校評級，喺英國就可以參考 Office for Standard in Education 嘅報告，亦即係 Ofsted Report。Ofsted 會對所有公立、小部分私立學校嘅教育質量進行每 5 年一次嘅定期審查，而佢哋嘅總評分有 4 個等級，分別為 Outstanding、Good、Requires Improvement 及 Inadequate。評分標準唔係只計算學生嘅成績，重會計算埋學校嘅領導及管理表現、學生行為舉止及安全以及教學質素。 Ofsted Report 嘅評級方法聽落幾全面，但 Outstanding 評級其實唔係揀學校嘅唯一準則。首先呢一套標準分級已經太舊，難以完全反映現今嘅教育環境；另外呢個分級亦都太廣，即使同樣係 Outstanding 級別，實際質素差異可能好大。所以揀選 Outstanding…

上次講到英國搵工其實唔難，今次就再實際為大家深入介紹幾個大型求職平台，啱晒移民前上去資料搜集，有信心有能力嘅朋友更可以喺香港已經 Send 定 CV，只要你係人才就有機會得到公司賞識，為移民決定打一枝強心針！【綜合、兼職類】Indeed、Totaljobs、Cvlibrary
如果你無特定專門嘅工作技能，未有清晰嘅求職取向或想先做 Part-time 熟習環境，你可以先到比較大包圍嘅求職網站，了解下不同行業嘅人才需求。做法相當簡單，只需要將你有興趣嘅行業或職位打入搜尋器，就可以得出不同地方嘅空缺。你可以用 Filter 功能篩選地區，或揀選距離你在幾公里內的工作。你亦可以將你嘅 Profile 設定為公開，方便獵頭公司或中介聯絡你。【金融、會計、保險類】efinancial careers、Cityjobs
eFinancialCareers 係從事金融類工作嘅朋友不能錯過嘅求職網站，專營有關會計、金融、保險、法律、銀行、股票市場、Sales、Marketing 等工種招聘，同時更會提供行業最新資訊，相當實用。Cityjobs 則是英國頂尖人才招聘網站，主要涉及銀行、金融、會計、保險與法律方面嘅工作。【IT類】CWJobs
IT 人才喺世界各地都吃香，英國都唔例外。CWjobs 涵蓋咗不同職位、技術、範疇嘅 IT 工種，你重可以工作地點等搜尋空缺，介面一目了然。【時尚、設計類】Drapers倫敦係一個時尚文化之都，時尚類別嘅工作亦不少，如果你有意從事設計、網售、零售、紡織類等，Drapers 就值得你去深入發掘。【中介類】Hays、Manpower、Carbon60
如果你本來職位比較高階或資深，你可以考慮直接與中介公司聯絡，佢哋會幫你留意適合嘅工作機會。每個行業都會有不同嘅中介公司，你可以善用 LinkedIn 或 Google 搵到你嗰行嘅 Recruitment Agency，例如 Carbon60 就係專門為航空、工程、能量、基建等工種配對合適人材。最後不得不提 LinkedIn 平台，英國幾乎所有中型以上嘅公司都有註冊，你可以直接使用平台嘅應徵功能，向特定心儀公司投履歷。平時好好管理自己嘅 LinkedIn…

香港人不嬲都熱愛工作，我哋呢個冇工開就冇安全感嘅民族，搵唔到工可以話係移民嘅最大隱憂。你可能聽過人講英國難搵工，但每人情況唔同，如果堅持要喺英國搵返同香港一樣嘅人工，就未必有咁理想。 人到異地，要做足心理準備未必能夠做返原本嗰行，又或者薪金待遇維持唔到一貫水平。建議喺真正移民前，做足資料搜集，了解一下你行業嘅平均薪酬，對於第日喺 CV 上填寫預期薪金都有幫助。要緊貼最真實嘅英國求職狀況，參考英國一啲大型求職網站如 Indeed、Cvlibrary、Totaljobs 等就係最方便快捷嘅做法。如果你目標係想做返老本行，就只需要搜尋相關行業空缺，就可以一目了然睇到你嘅技能喺英國需求大唔大。你亦可以到英國政府網頁上參考「Shortage Occupation List」，了解自己嘅技能吃唔吃香。另外，求職網站可以幫你過濾不同地區嘅空缺，以 Cambridge 為例，區內有從 1970年建成嘅 Cambridge Science Park，係歐洲歷史最悠久、規模最大嘅商業研發中心，過百間大企業如 Bayer 及 Toshiba都喺 Cambridge Science Park 設有辦公室。假若你嘅專業正正係生物科技、開發或研究，Cambridge 絕對喺你嘅首選落腳地。重有 Cambridge Business Park，有 17 個主要以 IT 為主嘅企業如Qualcomm 都喺呢度設有分部，只要你擁有相關嘅學歷同經驗，求職唔係想像中咁困難。倫敦作為國際金融城市，從事金融、地產、餐飲、管理等國際化行業嘅朋友都唔使太過擔心，加上香港人識中文，可以招待華人商人或遊客，已經係一種優勢。講到最尾，無論你有邊一種技能，只要你嘅心態正確，能夠接受轉行、成為藍領或降低薪酬要求，肯拼搏肯堅持，搵到工只係時間問題，密密…

劍橋係出名嘅大學之城，位於倫敦以北 89 公里，被 Forbes 形容為全球最美城市之一，人口160,000 中有約 30,000 人是學生，學術氣息濃厚。但真正令劍橋成為「無懼脫歐」城市嘅原因，在於區內可與美國矽谷 (Silicon Valley) 匹敵嘅「矽沼」(Silicon Fen)。被喻為歐洲矽谷嘅劍橋科技園以先進技術力吸引超過 5,000 家企業進駐，包括 Apple，Microsoft等開發實驗室及全球第三大制藥與生物制藥公司 AstraZeneca 亦將佢哋嘅全球總部遷至劍橋，製造超過 60,000 個科研及生物科學職位，這些行業都不易受脫歐影響。區內高收入人口比例達 32.6%，比英國全國平均比例 23.5% 為高；劍橋高學歷人口比例 41.2% 同樣比全國比例 19.7% 高。劍橋更有 16 間市值超過 10 億美元嘅獨角獸初創公司，令當地嘅就業市場充滿朝氣。高學歷與高收入群體造就出劍橋成為全英國最易搵工嘅城市，於…

最近英國 BNO 平權法案首讀通過，唔少香港人考慮到英國展開新生活，所以我哋決定推出「迎英生活」系列，為大家提供英國生活嘅實用資料！第一篇係香港人最關心嘅置業問題。香港地貴係人都知，但英國地大物博，不同地區嘅樓價差異相當大。以倫敦為例，Zone 1 嘅呎價就大約喺 HK$10,000-15,000 之間，Zone 2 或 Zone 3 地鐵站附近呎價就介乎於 HK$6000-8000 左右。與其 繼續捱貴樓， 不如考慮下距離倫敦車程一小時內週邊嘅地方，如 Cambridge、Milton Keynes、Buckinghamshire 或 St. Alban 等 呢類型離市中心不遠，地價又平一大截嘅 Hidden Gem 地區。  Cambridge 位於倫敦以北約 80 公里，係近期華人熱門移民城市，搭 Train 加 Subway…