最近英國 BNO 平權法案首讀通過，唔少香港人考慮到英國展開新生活，所以我哋決定推出「迎英生活」系列，為大家提供英國生活嘅實用資料！
第一篇係香港人最關心嘅置業問題。香港地貴係人都知，但英國地大物博，不同地區嘅樓價差異相當大。以倫敦為例，Zone 1 嘅呎價就大約喺 HK$10,000-15,000 之間，Zone 2 或 Zone 3 地鐵站附近呎價就介乎於 HK$6000-8000 左右。與其 繼續捱貴樓， 不如考慮下距離倫敦車程一小時內週邊嘅地方，如 Cambridge、Milton Keynes、Buckinghamshire 或 St. Alban 等 呢類型離市中心不遠，地價又平一大截嘅 Hidden Gem 地區。
Cambridge 位於倫敦以北約 80 公里，係近期華人熱門移民城市，搭 Train 加 Subway 去倫敦市中心都只係 1 小時車程。 除了以優秀大學聞名外，劍橋更擁有發展達 50 年嘅劍橋科學園，係歐洲生物科技嘅中心，每日有超過 7,000 名員工喺科學園上班，為社區帶嚟活力。當地近來亦開咗不少華人商店、中餐館等，啱晒港人閒時一解思鄉之情。
Milton Keynes 同樣距離倫敦約 80 公里，係英國第一個衞星城市， 地理位置理想，以坐火車為例，1 個小時 12 分鐘到倫敦；1 個小時 16 分鐘到伯明翰；2 個小時 45 分鐘到 Manchester。 城市發展成熟，生活配套完善，有大型購物中心，亦有多間中式雜貨店，不少香港移民選擇在這裡定居，同聲同氣。
Buckinghamshire 係一個大區，包含咗好幾個大鎮，有不少高質學府，如位於 Beaconsfield 入面嘅 Beaconsfield High School 及 Slough 嘅 Grammar School，想以小朋友學業為主嘅家庭可以考慮。去倫敦只係 1 個鐘頭多啲，同時又近 Heathrow Airport 方便飛返香港。
St. Alban 距離倫敦最近，搭 火車只需要 20 分鐘，屬於性價比學區推薦地區，區內有被英國教育標准局（Ofsted）評為優秀和良好（Outstanding）的中學和小學。而且 St. Alban 歷史悠久，有好多古羅馬時代遺留落嚟嘅建築，文化氣息濃，適合年輕家庭居住。
