劍橋係出名嘅大學之城，位於倫敦以北 89 公里，被 Forbes 形容為全球最美城市之一，人口160,000 中有約 30,000 人是學生，學術氣息濃厚。但真正令劍橋成為「無懼脫歐」城市嘅原因，在於區內可與美國矽谷 (Silicon Valley) 匹敵嘅「矽沼」(Silicon Fen)。被喻為歐洲矽谷嘅劍橋科技園以先進技術力吸引超過 5,000 家企業進駐，包括 Apple，Microsoft等開發實驗室及全球第三大制藥與生物制藥公司 AstraZeneca 亦將佢哋嘅全球總部遷至劍橋，製造超過 60,000 個科研及生物科學職位，這些行業都不易受脫歐影響。區內高收入人口比例達 32.6%，比英國全國平均比例 23.5% 為高；劍橋高學歷人口比例 41.2% 同樣比全國比例 19.7% 高。劍橋更有 16 間市值超過 10 億美元嘅獨角獸初創公司，令當地嘅就業市場充滿朝氣。
高學歷與高收入群體造就出劍橋成為全英國最易搵工嘅城市，於 2019 年第 2 季度，劍橋紀錄得嘅就業增長達 2.2%；預計去到 2030 年就業增長可達 24%。 假若你從事教育、IT 科技、科研、生物科技或旅遊業，劍橋絕對係一個適合你嘅落腳地。
劍橋不只自身就職市場暢旺，居住環境亦非常理想。作為現代城市，它一樣有百貨公司、知名超市，可以滿足你嘅購物需求；區內亦有大量綠色環境，空間廣闊之餘，舉目都係古色古香嘅建築，絕對是港人心目中嘅英式環境。劍橋距離倫敦只有 1 小時的車程，即使是在倫敦工作的朋友都可考慮定居在劍橋，加上新冠疫情令不少企業發現 WFH 的可能性，打工仔未來有機會可選擇在家工作節省通勤時間，令選擇一個景色怡人的居住地變得更為重要。
